Q: Kico 30x30 ta nifica pa Aruba?

30×30 ta un meta mundial pa proteha y miho maneha por lo menos 30% di tera y lama di mundo pa aña 2030. Paisnan rond mundo a yega na un acuerdo tocante e meta aki durante Conferencia di Nacionnan Uni tocante Biodiversidad na aña 2022, ora cu e Kunming-Montreal Global Biodiversity Framework a wordo adopta. E acuerdo mundial aki ta establece 4 meta a largo plaso pa aña 2050 y 23 meta pa logra pa aña 2030, di cual 30×30 ta e di tres meta. Aruba tambe a compromete na e meta aki y a inclui’e den su propio Strategia y Plan di Accion Nacional pa Biodiversidad (NBSAP) pa 2024–2030. Pa Aruba, esaki ta nifica busca manera pa proteha y maneha nos areanan natural miho, tanto riba tera como den lama, pa nan por sigui sostene nos comunidad, biodiversidad, y futuro generacionnan.

Q: Ken ta tuma decision tocante proteccion di lama di Aruba, y kiko ta e rol di Blue Marine Foundation?

E proceso di 30×30 ta basa riba un compromiso di Aruba mes, incorpora den nos Plan Nacional di Accion y Strategia pa Biodiversidad (NBSAP). E proceso ta wordo lidera localmente door di Departamento di Naturalesa y Medio Ambiente (DNM), cu sosten di Aruba Conservation Foundation (ACF) y Blue Marine Foundation (BMF). Blue Marine Foundation ta un organisacion internacional cu ta brinda asistencia tecnico y guia experto, basa riba nan experiencia den procesonan similar den otro paisnan, incluyendo Corsou. BMF no tin autoridad pa tuma decision tocante proteccion di nos lama. E decisionnan aki ta responsabilidad di Aruba. Nan rol ta pa sostene e proceso cu conocemento y expertisio, no pa determina e resultado. E proceso di consulta publico ta precisamente pa duna comunidad di Aruba, incluyendo usuarionan di lama e oportunidad pa conoce e proposicionnan y comparti nan opinion, preocupacionnan y recomendacionnan prome cu decisionnan final wordo tuma.

Question 1

Kico 30x30 ta nifica pa Aruba?

Accepted Answer

30&#215;30 ta un meta mundial pa proteha y miho maneha por lo menos 30% di tera y lama di mundo pa aña 2030. Paisnan rond mundo a yega na un acuerdo tocante e meta aki durante Conferencia di Nacionnan Uni tocante Biodiversidad na aña 2022, ora cu e Kunming-Montreal Global Biodiversity Framework a wordo adopta. E acuerdo mundial aki ta establece 4 meta a largo plaso pa aña 2050 y 23 meta pa logra pa aña 2030, di cual 30&#215;30 ta e di tres meta. Aruba tambe a compromete na e meta aki y a inclui&#8217;e den su propio Strategia y Plan di Accion Nacional pa Biodiversidad (NBSAP) pa 2024–2030. Pa Aruba, esaki ta nifica busca manera pa proteha y maneha nos areanan natural miho, tanto riba tera como den lama, pa nan por sigui sostene nos comunidad, biodiversidad, y futuro generacionnan.

Question 2

Dicon 30%?

Accepted Answer

E meta di 30% no a wordo scogi zomaar. E ta basa riba añanan di investigacion cientifico cu ta mustra cu proteha y maneha miho areanan grandi di tera y lama por yuda mantene naturalesa saludabel, proteha bida di bestia y mata, y preserva e recursonan natural cu hende ta depende di nan.

Lama tin un rol esencial den sosten di bida riba tera, incluyendo aki na Aruba. Lama ta influencia nos clima, ta provee e awa di lama cu nos ta uza pa produci awa di bebe, y ta influencia nos bienestar, tradicionnan y forma di bida di diferente generacionnan.

Basa riba investigacion cientifico, paisnan rond mundo a yega na un acuerdo na 2022 pa traha pa proteha y miho maneha por lo menos 30% di tera y por lo menos 30% di lama pa aña 2030.

E 30% ta un meta comparti na nivel mundial, pero e manera cu e areanan aki ta wordo proteha y maneha ta mes importante cu e cantidad di area cu ta wordo proteha.

Lesa mas:
– Guia di IUCN tocante 30×30 (https://iucn.org/sites/default/files/2023-09/30×30-target-framework.pdf))
– Meta 30×30 di Nacionnan Uni ((https://www.cbd.int/gbf/targets/3))

Question 3

Pakico proteccion marino ta importante pa Aruba?

Accepted Answer

Nos lama ta un parti importante di bida na Aruba. E ta provee cuminda, sostene pesca y empleo, brinda oportunidad pa recreacion y ta forma parti di nos cultura y forma di bida. Tambe, nos lama ta hogar pa hopi sorto di bida marino cu ta depende di un ambiente saludabel pa sobrevivi.

Door di proteha y maneha nos areanan marino miho, nos por contribui na un lama mas saludabel, sostene bida marino y preserva e beneficionan cu nos lama ta brinda na nos comunidad.

Question 4

Pakico ta importante pa mi participa den e consulta publico?

Accepted Answer

Como habitantenan di un isla, lama ta un parti importante di nos bida. Nos ta depende di dje na diferente manera, y a lo largo di generacionnan, lama a influencia nos medio di bienestar, tradicionnan y forma di bida. P’esey, nos kier tende opinion di tur hende, specialmente esnan cu ta haci uzo di lama, esnan cu ta depende di dje pa nan bienestar, y esnan cu ta preocupa pa proteccion di bida marino y naturalesa. Pa medio di e consulta publico, bo por comparti bo perspectiva tocante e posible beneficionan y preocupacionnan di cada uno di e cuatro scenarionan proponi, y aporta bo sugerencianan. Yenando e encuesta online ta e manera formal pa sigura cu bo perspectiva wordo registra y inclui den e proceso di consulta. Sea cu bo participa den un sesion di informacion publico of bo explora e scenarionan proponi pa bo mes, nos ta encurasha bo pa yena e encuesta. Tur informacion comparti pa medio di e encuesta lo wordo colecta, analisa y teni na cuenta den e proximo pasonan, prome cu recomendacionnan final wordo presenta na Minister. Participa den e consulta publico online cu ta disponibel te cu 27 november 2026.

Question 5

Ken ta tuma decision tocante proteccion di lama di Aruba, y kiko ta e rol di Blue Marine Foundation?

Accepted Answer

E proceso di 30&#215;30 ta basa riba un compromiso di Aruba mes, incorpora den nos Plan Nacional di Accion y Strategia pa Biodiversidad (NBSAP). E proceso ta wordo lidera localmente door di Departamento di Naturalesa y Medio Ambiente (DNM), cu sosten di Aruba Conservation Foundation (ACF) y Blue Marine Foundation (BMF). Blue Marine Foundation ta un organisacion internacional cu ta brinda asistencia tecnico y guia experto, basa riba nan experiencia den procesonan similar den otro paisnan, incluyendo Corsou. BMF no tin autoridad pa tuma decision tocante proteccion di nos lama. E decisionnan aki ta responsabilidad di Aruba. Nan rol ta pa sostene e proceso cu conocemento y expertisio, no pa determina e resultado. E proceso di consulta publico ta precisamente pa duna comunidad di Aruba, incluyendo usuarionan di lama e oportunidad pa conoce e proposicionnan y comparti nan opinion, preocupacionnan y recomendacionnan prome cu decisionnan final wordo tuma.

Question 6

Pakiko Aruba ta cuminsa cu proteccion di lama grandi (offshore) y no cu e areanan mas cerca di costa (nearshore)?

Accepted Answer

Proteccion di lama cerca di costa (nearshore) ta mesun importante pero ta rekeri un proceso diferente. Lama cerca di costa (nearshore) ta hogar di un gran variedad di sorto di bida marino y habitatnan, y ta wordo uza pa diferente actividadnan, incluyendo pesca, buceo, snorkel y deporte acuatico. Lama grandi (offshore) ta sostene otro sorto di bida marino y habitatnan, unda cu menos actividad humano ta tuma luga. Durante e prome rondonan di consulta cu stakeholders den februari pa april 2026, a bira cla cu consulta di e area aki ta rekeri su proceso di consulta propio. Aki ta unda e diferente usuarionan di lama por participa den e desaroyo di diseño di area di proteccion cu ta tene cuenta cu e diferente actividadnan, hunto cu e necesidad pa cuida nos naturalesa marino. Ademas, e proceso di nearshore ta requeri modificacion di e Ordenansa di Proteccion di Naturalesa. Segun e planificacion actual, esaki lo cuminsa na 2027, sigui pa preparacion di e proposicionnan y un ronda di participacion cu stakeholdernan y consulta publico durante 2028–2029. P&#8217;esey, e consulta publico actual ta concentra riba cuater escenario proponi pa offshore. Nearshore no ta wordo laga afo, sino lo sigui un proceso separa cu su propio oportunidadnan pa participacion di comunidad.

Question 7

E decisionnan tocante proteccion di lama grandi (offshore) ya a wordo tuma, of opinion di comunidad ainda por influencia e resultado?

Accepted Answer

No, ainda no a tuma un decision final tocante e areanan proponi pa proteccion di offshore, ni a desaroya un plan di maneho. Aruba ta comprometi na proteha por lo menos 30% di su areanan marino pa 2030, pero con y unda esaki lo wordo implementa ainda ta parti di e proceso actual. Durante e prome ronda di consulta entre februari y april 2026, mas di 100 stakeholder a comparti nan conocemento, opinion y preocupacionnan. E informacion aki, hunto cu datonan cientifico y evaluacionnan tecnico, a contribui na desaroyo di e cuater scenarionan proponi. E cuater scenarionan ta proposicionnan, no decisionnan final. P&#8217;esey, bo participacion den e fase aki ta importante.

Question 8

Aruba ya tin areanan marino protehi. Pakiko ta necesario pa proteha mas area di lama?

Accepted Answer

E Areanan Marino Protehi (MPA) existente di Aruba ta situa cerca di costa (nearshore) y ta inclui rifnan di coral, praderanan di yerba di lama, y fondo di lama cu piedra y santo. E habitatnan aki den awa menos profundo ta sostene diferente sorto di bida marino compara cu e areanan di lama grandi (offshore). Tanto e ecosistemanan cerca di costa como esunnan den lama grandi ta importante pa pesca, turismo, biodiversidad y nos economia. Actualmente, e areanan marino protehi existente ta representa aproximadamente 0.24% di e area marino total di Aruba. Como parti di su Strategia y Plan di Accion Nacional pa Biodiversidad (NBSAP), Aruba a compromete su mes cu e meta global di 30&#215;30, basa riba e Kunming-Montreal Global Biodiversity Framework. Ta importante pa nota cu no ta trata solamente di alcanza un porcentahe. Nos ecosistemanan marino ta enfrenta diferente presion. Proteccion di habitat importante y maneho sostenibel di nos recursonan marino por contribui na un lama mas saludabel y abundante. Esaki por yuda sostene pesca y otro actividadnan economico awo y den termino largo. Pa mas informacion tocante e datonan cientifico disponibel, e habitatnan y biodiversidad marino den lama grandi por consulta e documento Environmental Scientific Overview, disponibel online riba nos website.

Question 9

Dicon nos ta revisando proteccion di lama grandi y ki tempo lo adresa e proteccion marino cerca di costa?

Accepted Answer

Durante e prome ronda di consulta cu stakeholder, nos a haya un bista mas cla di con e areanan marino di Aruba ta wordo uza. Den lama grandi (offshore), e actividadnan economico ta mas claramente defini, mientras cu den lama cerca di costa (nearshore) tin un variedad mas grandi di uzo socio-economico, incluyendo pesca, turismo, recreacion y navegacion cu boto. Pa motibo di e diferente uzonan aki, ta necesario pa actualisa e legislacion actual di Aruba pa proteccion di naturalesa (Natuurbeschermingsverordening), pa permiti areanan marino protehi cu uzo multiple (multi-use). E legislacion actual no ta brinda suficiente flexibilidad pa acomoda y maneha e diferente actividadnan cu ta tuma luga den e areanan aki. Pa e motibo aki, e proceso di 30&#215;30 actualmente ta enfoca riba lama grandi (offshore). Proteccion di e areanan di lama cerca di costa (nearshore) lo wordo trata den un fase separa, tumando na cuenta e diferente actividadnan socio-economico y e cambionan legal necesario pa maneha e areanan aki di manera efectivo.

Question 10

Kico ta e diference entre lama grandi y lama cerca di costa?

Accepted Answer

Nearshore y offshore ta referi na e distancia entre un area di lama y costa di Aruba. Lama cerca di costa (nearshore) ta e areanan di lama mas cerca di nos costa, te na un distancia di 5 kilometer (aproximadamente 2.7 miya nautical) for di costa. Diferente actividad ta tuma lugar den e areanan aki manera landa, snorkel, duik, nabega cu boto y pesca. Lama grandi (offshore) ta e areanan di lama mas leu for di costa, 5 kilometer leu di costa en adelante. E areanan aki ta hogar pa un gran variedad di bida marino, especialmente rond di nos rifnan di coral, y ta wordo uza pa actividadnan manera landa, snorkel, duik, nabega cu boto y pesca. E consulta publico actual di Aruba 30&#215;30 ta enfoca solamente riba lama grandi (offshore). E areanan di lama cerca di costa (nearshore) lo wordo trata den un proceso di consulta separa den un fase posterior.

Pa un lama sano y abundante

Kico ta Aruba 30x30?

Un lama saludabel ta trece hopi beneficio.

Comparti bo perspectiva

Compronde

Comparti bo perspectiva

Participa na un sesion

Aruba30x30 Loket

Estado Actual

Scenarionan proponi

Scenario 1

Secuencia di proceso

Di dos ronda di consulta publico (encuesta).

01DoneCBD: Kunming-Montreal Global Biodiversity Framework

02DoneAruba's National Biodiversity Strategy and Action Plan. (NBSAP)

03DoneProme ronda di participacion y consulta cu stakeholder.

04DonePreparacion di Scientific Overview y scenarios pa offshore

05NowDi dos ronda di consulta publico (encuesta).

06NextColeccion y analisis di feedback.

07NextRevision y finalisacion di e propuesta.

08NextPresenta recomendacion na Minister.

09NextMotivacion di Minister pa DWJZ

10NextDWJZ ta traha e ley di designacion

11NextDesignacion legal mediante Decreto Nacional

Di dos ronda di consulta publico (encuesta).

Participa den encuesta

FAQ

Tocante 30x30

Contacta nos